RREGULLORJA

Statuti i shoqatës Shqipëtaro - Kanadeze

www.albaniantime.ca

RREGULLORJA (KUSHTETUTA) E SHOQATËS SË BASHKËSISË SHQIPËTARO – KANADEZE TË TORONTOS

Botuar në nr.25-26 të gazetës Albanian Time

Shënim i gazetës: Statuti eshte botuar i plotë dhe pa asnjë lloj korrigjimi për arsyet që shpjegohen në vete statutin.

------------------------------------------------------------------------------------------------------------------

Neni 1: Emri, detyra dhe vendi (Vendshoqata)

1.1 Emri i shoqatës është “Shoqata Shqipëtaro – Kanadeze e Torontos”, emër ky që i përfshin të gjithë shqipëtarët pavarësisht nga preardhja territoriale, përkatësia fetare apo profesionale duke i përfshirë edhe nënshtetasit kanadez.

1.2 Zyra e Shoqatës është e vendosur në komunën e kryeqendrës (megalopolitit, metropolit) toronto, provincë e Ontarios. Adresa e përkohshme mund të jetë ndryshe nëse nuk është në kundërshtim me ligjin.

1.3 Shoqata do të ketë vulën e vet (të përbashkët), e cila do të mbahet në zyrën kryesore. Sekretari do të jetë mbajtësi i saj e do ta përdorë vetëm me leje të Këshillit zbatues (Këshillit ekzekutiv).

1.4 Shoqata është organizatë pa përfitime (nuk ka fitime për nëpunësit).

1.5 Për arritjen dhe mirëvajtjen e qëllimeve që përfshin kjo rregullore Shoqata do të lejohet të përfitojë mjete të duhura, si p.sh. me anë të mbledhjes së ndihmave (kontributeve), përgatitjes së rasteve bamirëse dhe fitimsjellëse, kuotës së anëtarësisë, dhuratave dhe ndihmavetë ndryshme nga të gjitha nivelet qeveritare.

1.6 Shoqata është organizatë vullnetare e bashkësisë shqipëtare dhe kanadeze, e paraqitur pranë “Revenue Canada-Taxation” dhe do të punojë pa përfitim pagesor për anëtarët, nëpunësit (ushtruesit e detyrave). Çdo lloj të ardhurash do të shërbejnë vetëm për realizimin e synimeve të parashikuara. Punëdrejtuesit, nëpunësit, dhe Këshilli i llogaridhënies, Këshilli i nderit ose çfarëdolloj këshilli që do zgjidhet prej kohe në kohë, për shërbimin e tyre nuk do të pranojë asnjë pagesë.

1.7 Për ushtrimin e detyrës së saj Shoqata mund të zotërojë vegla dhe pajisje të ndryshme të cilat mundet gjithashtu t’i japë me qira.

1.8 Shoqata ka zëdhënësin e saj kur, në mungesë të anëtarëve të kryesisë, qëndrimi i Shoqatës duhet shpallur botërisht.

Neni 2: Qëllimi dhe roli i Shoqatës.

Qëllimi i Shoqatës është të mësojë, zhvillojë, trimërojë dhe ruaj frymën shqipëtare në Kanada dhe më ngushtë në Toronto (Ontario). Për arritjen e qëllimit të denjë, Shoqata do të veprojë sipas pikave që vijojnë…

2.1 Njoftuese – informative dhe edukative, duke i furnizuar pjesëtarët e bashkësisë shqipëtare me njftime dhe ligjërata në hap me zhvillimin e kulturës së trashëguar, me mitingje dhe festime të ditëve me rëndësi kombëtare; duke nxitur veprimtaritë e ndjekjes së mësimit plotësues në gjuhën amëtare.

2.2 Kulturore dhe argëtuese, me anë të mjeteve dhe formave të ndryshme të informimit publik, si botime (fletë, fletërrufe, buletinë), radio e televizion, si dhe formave e aktiviteteve të lira (muzikore, sportive, letrare, afariste – biznesi), do të ruhet dhe zhvillohet fryma e të parëve tanë.

2.3 Humanitare, si prijëse dashamire e bashkësisë shqipëtare, pjesëtarëve të kombit shqipëtar si dhe anëtarëve kanadez do t’ju ofrojë, sipas mundësisë dhe nëvojave, përkrahje morale dhe materiale. Shoqata e bashkësisë shqipëtaro – kanadeze nuk është organizatë politike, por ajo ka të drejtë të përkrahë të gjitha përpjekjet shqipëtare që janë legjitime dhe demokratike si dhe të solidarizohet me popullin shqipëtar në vendlindje pavarësisht nga përkatësia territoriale apo fetare. Të gjithë do të trajtohen njëlloj, njerëzisht, shqipëtarë dhë kanadezë.

2.4 Nxitëse dhe motivuese, ofrim kushtesh për afrimin dhe pjesëmarrjen e grave në aktivitetet e shoqatës.

2.5 Ndërmarrëse, me vetëdije dhe ndërgjegje të plotë, pandërprerë të bëhet përmirësimi dhe zhvillimi i Shoqatës që më vonë të themelohen edhe degët e shoqatës bazë.

Neni 3: Anëtarësia në Shoqatë.

3.1 Lloje anëtarësish: anëtarë të rregullt dhe anëtarë nderi.

3.2 Anëtarë të rregullt.

3.2.1 Të drejtë anëtari gëzon çdonjëri që është:

a) pjesëtar i kombit shqipëtar;

b) banor i Ontarios ose nënshtetas i Kanadasë;

c) me moshë madhore ( 18 vjet e sipër);

ç) që përfaqon dhe i përmbahet rregullores së Shoqatës,

d) që nënshkruhet dhe paguan vullnetarisht anëtarësi vjetore dhe

dh) që dëshmon pagesës e anëtarësisë me librezë ose kartë,

e) anëtarësia duhet të pagohet brenda tremujorit të parë, ndërsa anëtarët e rinj paguajnë menjëherë përqindjen (pjesë) prej ditës kur anëtarësohen.

3.2.2 Pranimi dhe largimi i anëtarëve:

Pranimin apo largimin e anëtarëve do ta kryejë Këshilli zbatues. Pranimi do të bëhet sipas nenit 3.2.1, ndërsa largimi siç vijon:

a) tërheqje të vërejtjes,

b) parapërjashtim,

c) përjashtim,

ç) por anëtari i larguar ose ai i papranuar ka të drejtë ankimi pranë Këshillit të nderit.

3.2.3 Pushimi i anëtarësisë:

Pushimi i anëtarësisë fuqizohet nën këto rrethana:

a) paralajmërim dorëheqjeje (me shkrim),

b) ndërrim jete (vdekje),

c) humbje e banorësisë (nënshtetësisë); por mund të mbetet si anëtar nderi me vetëpëlqim.

ç) mospagim anëtarësie,

d) largim nga anëtarësia sipas nenit 3.2.2 dhe 8.4.1 .

3.2.4 Të drejtat e anëtarëve:

Çdo anëtar i Shoqatës, me anëtarësi të paguar në kohë, ka të drejtë pjesëmarrjeje në Kuvendin e përgjithshëm (Asamblene gjenerale) të votojë, të zgjedhë dhe të zgjidhet. Çdo anëtar i pranishëm në mbledhje ka të drejtë vote.

3.2.5 Asnjë anëtar nuk ka të drejtë të kumtojë botërisht (deklarojë publikisht) asgjë në emër të Shoqatës pa leje paraprake nga Këshilli zbatues, përveç zëdhënësit.

3.2.6 Anëtarët të shkuar në moshë (pensionistët), studentët dhe të papunësuarit do të paguajnë anëtarësi për gjysmë ose do t’i lirohen fare, varësisht nga vlerësimi i rrethanave që do ta bëjë Këshilli zbatues.

3.2.7 Anëtarët e familjes (bashkëshort-i/ja dhe fëmijët madhor) po ashtu gëzojnë të drejtë anëtarësie në Shoqatë. Të gjitha pikat (dispoziatat) e nenit 3.2 u përkasin edhe anëtarëve të familjes.

3.3 Anëtar nderi:

3.3.1 Kushtet dhe kërkesat për anëtar nderi janë gati të njëjta si për anëtar të rregullt, të përcaktuara në nenin 3.2.1, me përjashtim të nenit 3.2.1(a); do të thotë nënshtetasit kanadez ose të tjerë që janë dashamirës të kombit shqipëtar.

3.3.2 Pranimi i anëtarëve të nderit;

Pranimin i anëtarëve të nderit e bën Kryesia, vendimi i së cilës është i pandryshueshëm dhe përfundimtar.

3.3.3 Pushimi nga anëtarësia e nderit;

Pushimi nga anëtarësia e nderit është i njëjtë me nenin 3.2.3, me përjashtim të nenit 3.2.3 (c) ose ( ç ) por me leje të këshillit.

3.3.4 Të drejtat e anëtarëve të nderit;

Çdo anëtar nderi i shoqatës, (me anëtarësi të paguar ose liruar, varësisht nga vendimi i Udhëheqësisë), ka të drejtë pjesëmarrjeje në Kuvendin e përgjithshëm, në mbledhje dhe aktivitete të tjera; por nuk ka të drejtë vote, të zgjedhë ose të zgjidhet; ka vetëm të drejtë propozimi ose rekomandimi.

3.3.5 Përjashtimi nga anëtarësia e nderit:

(a) anëtarët e nderit të cilët me veprimtarinë e tyre, brenda a jashtë Shoqatës, bien në kundërshtim me qëllimet dhe parimet e kësaj Sjoqate; ose kanë shkelur ligjin shtetëror do të privohen (zhveshen) nga anëtarësia dhe do të largohen nga nderi i Shoqatës. Këtë vendim e sjell Këshilli i nderit me kërkesë të Këshillit zbatues (K. ekzekutiv) dhe në përputhje me pikat e nenit 8.

(b) Asnjërit, që do të japë dorëheqje ose vullnetarisht largohet nga Shoqata, s’do t’i kthehen të hollat ose dhurimet të çfarëdolloj natyre qofshin ato.

3.4 Prania e joanëtarëve në vendshoqatë (prezenca e joanetarëve në klub);

Një prani ë kësaj natyre do të lejohet vetëm me bashkëshoqërim të anëtarëve ose me leje të nëpunësit shërbyes të vendshoqatës (klubit).

Neni 4: Mbarështimi (administrimi ose mirëvajtja);

Punën drejtuese dhe udhëheqëse të Shoqatës do ta ushtrojnë këto trupa:

(a) Kuvendi i Përgjithshëm; (Asambleja gjenerale)

(b) Këshilli zbatues; (Këshilli ekzekutiv)

(ç) Këshilli i nderit; (Këshilli disiplinor).

Neni 5: Kuvendi i Përgjithshëm (Asambleja gjenerale)

5.1 Kuvendi i përgjithshëm do të përbëhet prej atyre anëtarëve të Shoqatës që dallohen si njerëz më me peshë dhe përkushtim të madh. Kuvendi i përgjithshme është organi më i lartë i Shoqatës dhe çdo çështje do të zgjidhet me fitimin e shumicës së votave, përndryshe do të bëhet mbështetje në veçoritë (specifikat) e kësaj rregulloreje ose Aktit të korporatave kanadeze. Kuvendi i përgjithshëm i përmbahet me besnikëri ( kërkesave të) rregullores.

5.2 Mbledhjet:

Kuvendi i përgjithshëm mban dy lloje mbledhjesh të përgjithshme:

a) mbledhje të rregullta ( këtu përfshihet edhe mbledhja zgjedhore);

b) mbledhje të jashtëzakonshme.

5.2.1 Mbledhjet e rregullta:

a) mbledhja e rregullt e Kuvendit të përgjithshëm mbahet një herë brenda vitit kalendarik dhe jo më gjatë se 15 (pesëmbëdhjetë) muaj nga mbledhja e fundit. Dita dhe vendi i mbajtjes së mbledhjes së rregullt do të caktohen nga Këshilli ekzekutiv. Mbledhjet e tjera mbahen sipas nevojës ose kërkeës së anëtarëve duke u përqëndruar në pikat e mëposhtme.

b) Lajmërim me shkrim do ta bëjë po ashtu Këshilli në detyrë, i cili lajmërim do t’i postohet çdo anëtari, të paktën 21 (njëzet e një) ditë para mbledhjes.

c) Lajmërimi do të prekë (cekë):

i. datën, kohën dhe vendin e mbledhjes

ii. rendin e ditës

iii. shkresa të rëndësishme për pikat e rendit të ditës.

ç) kuorumi (shumica e duhur e anëtarëve të pranishëm për të sjellë ose për të votuar një vendim) për mbledhjen e Kuvendit të përgjithshëm është një e treta e anëtarëve më me përkushtim dhe peshë. Nëse me rastin e mbledhjes së Kuvendit mungon kuorumi ta hapë mbledhjen, Këshilli zbatues do të ricaktojë ditë tjetër jo më gjatë se 30 (tridhjetë) ditë nga dita e mbledhjes së pambajtur. Në mbledhjen e ardhshme, pas afatit të lartpërmëndur, vetë anëtarët e pranishëm do ta përbëjnë kourumi.

d) asnjë arsyetim mosardhjeje në mbledhje nuk do ta prishë apo shpallë të pavlefshme mbledhjen e mbajtur. Që të bëhet shmangia (evitimi) i njoftimit të dobët e të pasaktë lajmërimi do të bëhet sipas adresës së fundit dhënë Shoqatës (që anëtari e ka lënë në Shoqatë).

dh) mbledhja thirreth nga kryetari i Shoqatës. Si pikë e parë pune; për udhëheqje të mbledhjes, me ngritje të duarve, zgjitdhen kryesuesi i mbledhjes dhe dy (2) sekretarë.

e) mbledhjen e udhëheq kryesuesi i zgjedhur sipas rendit të ditës së paralajmëruar. Sekretarët janë përgjegjës për përgatitjen dhe mbajtjen e regjistrit dhe bisedëshkrimit (proçesverbalit, protokollit). Pas miratimit, bisedëshkrimi nënshkruhet nga kryesuesi dhe dy sekretarët. Me të mbaruar mbledhja, të gjitha bisedëshkrimet dhe shkresat (procesverbalet dhe dokumentat) shkojnë në duar të Këshillit zbatues.

ë) për ndërrimin e pikavetë rendit të ditës duhen 2/3 (dy të tretat) e votave të anëtarëve të pranishëm në mbledhje.

f) në çdo mbledhje të rregullt, si pjesë plotësuese e rendit, do të bashkangjiten edhe:

1. pasqyra e punës së (raporti i) Këshillit zbatues,

2. raporti financiar i arkëtarit,

3. raporti i llogaridhënësve mbikëqyrës,

4. emërimi i llogaridhënësve të rinj,

5. autorizimi i pagesave.

5.2.2 Mbledhjet e jashtëzakonshme:

Kuvendi i përgjithshëm mund të thirreth edhe në mbledhje të jashtëzakonshme nga Këshilli zbatues ose të ftohet me shkrim.

5.3 Detyrat dhe fuqia e Kuvendit të përgjithshëm, janë me sa vijojnë:

a) të zgjedhë anëtarë për organet e Shoqatës, në sajë të rregullores,

b) të fuqizojë, përmirësojë dhe shfuqizojë ndonjë pikë të Kushtetutës së Shoqatës, sipas ngutshmërisë dhe në përputhje me pikat e nenit 11,

c) të marrë parasysh pasqyrat e punës, vështrimet, raportet dhe njoftimet e të gjitha Këshillave,

ç) ta shqyrtojë dhe miratojë veprimtarinë e Këshillit zbatues

d) të vendosë për shpërndarjen (prishjen) e Shoqatës, në përputhje me pikat e nenit 12,

dh) të zbatojë vendimet e paraqitura nga Këshilli zbatues (anëtarët).

Neni 6: Këshilli zbatues (Këshilli ekzekutiv)

6.1 Këshilli zbatues është një organ jetësues i detyrave të Shoqatës. Përbëhet prej nëntë (7+2) anëtarëve, të gjithë të zgjedhur nga Kuvendi i përgjithshëm në mbledhjen zgjedhore. Anëtarët e Këshillit në fjalë janë: kryetari, nënkryetari (mundet dy nënkryetarë), sekretari, arkëtari, ndihmës sekretari, ndihmës arkëtari, dhe dy vendplotësime (rezervat). Nëse zgjidhen dy nënkryetarë atëherë njëri nga vendplotësimet do të jetë përgjegjësi ose nëpunësi shërbyes në vendshoqatë (klub).

6.2 Zgjedhjet (votimet)

6.2.1 Këshilli zbatues zgjidhet nga Kuvendi i përgjithshëm me mandat njëvjeçar, me të drejtë rizgjedhjeje, të votohet sërish por me kusht që pesëdhjetë përqind (50%) e kryesisëtë zgjidhen anëtarë të rinj. Votimi bëhet me ngritje të duarve; votimi mund të jetë i fshehtë, me fletëvotimë të fshehta, nëse Kuvendi me shumicë votash vendos ashtu.

6.3 Detyrat e ushtruesve (nëpunësve):

Kryetari: është ushtrues kryesor i Shoqatës; kryeson mbledhjet e Këshillit zbatues dhe përfaqëson Shoqatën. Prej kohe më kohë, ai mund ta ngarkojë nënkryetarin/ët me detyrën që mban ose pjesë të saj. Kryetari do të kujdeset për udhëheqjen e Shoqatës dhe kryerjen e detyrës së Këshillit udhëheqës.

Nënkryetari: i ndihmon kryetarit dhe e zëvendëson atë. Flet në emër të Shoqatës, varësisht nga pëlqimi i Këshillit ose në marrëveshje me kryetarin. Për lehtësim qeverisjeje mund të zgjidhen dy nënkryetarë. Njëri nag këta përcakrohet me detyrë të drejtpërdrejtë për degët e Shoqatës, bazës.

Sekretari: kujdeset për mirëmbajtjen e bisedëshkrimeve dhe shkresave (procesverbaleve dhe dokumentave) jofinanciare të fondit apo fondeve të Shoqatës. Sekretari, poashtu harton planprogramin njëvjeçar të veprimtarisë së Shoqatës duke u mbështetur edhe në kontributin e ndihmës sekretarit.

Arkëtari: kujdeset për fletoret (regjistrat), shkresat dhe dëftesat financiare si dhe për rritjen e buxhetit, mirëvajtjen e fondeve të Shoqatës. Arkëtari po ashtu mban llogari për çështjet dhe detyrimet tatimore duke u lidhur edhe për kontributit të ndihmësarkëtarit.

Ndihmëssekretari: i ndihmon sekretarit dhe prej kohë më kohë, pjesërisht a plotësisht, mund të ngarkohet me detyrë nga sekretari.

Ndihmësarkëtari: i ndihmon arkëtarit dhe prej kohe më kohë, pjesërisht a plotësisht, mund të ngarkohet me detyrë nga arkëtari.

Nëpunësi përgjegjës: mban rend në vend shoqatë dhe u përmbahet udhëzimeve të Kryesisë ose marrëveshjes nëse do të emërohen nënpunës shërbyes në qëndrën e Shoqatës e cila mund të jetë klub. Kryesia, n’pajtim me anëtarët, mund ta lëshojë me qira vendshoqatën ose të bëjë orar pune. Për këtë post mund të emërohet njëri nga vendplotësimet. Arkëtari dhe ndihmësi i tij mbikëqyrin të ardhurat nga kjo punë.

Dy vendplotësuesit: sipas shkallës së zotësisë, kualifikimit dhe nevojës, dy rezervat në kryesi do të plotësojnë vendet e lira ose të liruara.

a) çdo vend i lirë për anëtar të këshillit zbatues, do të plotësohet nga vendplotësuesit rezervë të zgjedhur në përbërje të vetë Këshillit. Nëse vendi i kryetarit lirohet, atëherë nënkryetari e zë atë vënd, ndërsa vendet tjera i plotëson vetë Këshilli zbatues.

b) Kuorumi i (shumicae) Këshillit është pesë ( 5 ) veta ose mbi 50%

c) Një ushtrues mund të mbajë çfarëdolloj qofshin dy detyra ( poste)

ç) nënpunësi ( ushtruesi) i zgjedhur nuk duhet ta pranojë detyrën nëse nuk ndihet i aftë ta kryejë atë.

6.4 Të drejtat dhe fuqia e Këshilli zbatues:

Gjatë periudhës mes mbledhjeve të kuvendit të përgjithshëm që mbahet për zgjedhjen e këshillit ekzekutiv (K. zbatues) të Shoqatës, Këshilli ekzekutiv është organi më i lartë zbatues; çdo çështje do të zgjidhet me shumicë votash, po të mos kërkohet ndryshe në rregulloren kushtetuese.
Në emër të Shoqatës Këshilli zbatues:

a) mund të ndërmarrë çdo hap të nevojshëm për sendërtimin (realizimin) e pikësynimeve të Shoqatës, duke iu përmbajtur rreptësisht rregullores burimore.

b) Do të sigurojë mirëqënien e marrëdhënieve me mjetet e informimit publik, me qeverinë, me organizata të tjera si dhe më gjërë, brenda bashkësisë shqiptaro – kanadeze (komunitetit).

c) Mund të themelojë ose ndalojë “këshilla” dhe degë tjera të Shoqatës. Mandatin e tyre e përcakton vetë Këshilli zbatues.

ç) mund të blerë ose shesë pajisje të duhura për nevoja t’Shoqatës.

d) mund të hapë ose mbyllë llogari rrjedhëse në bankë.

dh) mund të derdhë (deponojë) ose tërheqë t’holla (fonde) qoftë në banka qoftë në truste. Në emër të Shoqatës, mund të pranojë ose lëshojë pagesa palëve tjera; me këtë rast, nënshkrimi i dy udhëheqësve do të mjaftojë për leje, qoftë i arkëtarit me nënkryetarin, apo ndihmësarkëtarit ose kryetarit. Kur ta lypë nevoja, arkëtari e ngarkon njërin nga të tre të lartëpërmendurit me detyrën e tij, pjesërisht ose plotësisht.

e) do ta caktojë shumën (kuotën) e anëtarësisë vjetore.

ë) lejohet të bashkëpunojë me shoqata e organizata tjera, të cilat kanë qëllime dhe synime të njëjta me shoqatën amë.

f) Këshilli zbatues do të mblidhet sipas udhëzimeve të kryetarit. Kryetari do të kujdeset edhe për mbledhjet e jashtëzakonshme të mbahen brenda katër (4) ditëve dhe të ketë të paktën pesë (5) anëtarë të vetë Këshillit ose mbi 50%. Njoftimi të bëhet të paktën dyzet e tetë (48) orë para kohe.

6.5 Përgjegjësia:

Këshilli zbatues i ka këto përgjegjësi:

a) ta udhëheqë e qeverisë Shoqatën edhe atë`në bazë të rregullores.

b) Të përgatisë pasqyra të punës, vështrime dhe raporte për Kuvendin e përgjithshëm rreth veprimtarisë së Shoqatës.

c) Në fund të mandatit të vet, të raportojë për veprimtarinë e vet, t’i tharrasë dhe përgatisë mbledhjet e kuvendit të përgjithshëm.

ç) të mbajë mbledhje me anëtarët çdo dy ose tre muaj.

d) të mbajë pasqyrë-evidencë për:

fletoren (regjistrin) e anëtarëve
fletoren e llogarive të të hyrave dhe të dalave (debi – kredi)
bisedëshkrim (procesverbal, protokoll)
fletore inventari, fletëinventarin
dosje pasqyre (raportesh) të të gjitha organeve dhe degëve të Shoqatës
shkresa (dokumente)tjera që kërkohen me rregullore ose ligj
të bëhet pasqyrë e veçantë për matërialet e shpenzueshme, si p.sh. shirita për makinën e shkrimit, fakse etj.
Evidencë për mungesat e anëtarëve të Këshillit.

6.6 Pushimi i anëtarëve të Këshillit zbatues:

a) anëtari mund të pushohet nga detyra për ndonjë shkak të paarsyeshëm, sipas mënyrës së përcaktuar në nenin 9.

b) Nëse anëtari i Këshillit, pa ndonjë arsyetim paraprak dhe pa pëlqim të vetë Këshillit, mungon nga mbledhjet e këtij Këshilli, gjatë cilitdo katërmujorsh, mungesat e tij do të mirren si dorëheqje vullnetare dhe vendi i tij do të plotësohet menjëherë.

6.7 Dëmshpërblimi dhe mbrojtja e anëtarëve të Këshillit zbatues:

Çdo anëtar i këshillit të Shoqatës ose kushdo qoftë që të ngarkohet me detyrë dhe detyrim (si p.sh. hua) në emër dhe me leje t’Shoqatës, prej ose kundër; të gjitha shpenzimeve, detyrimeve (huave), përgjegjësive të shkaktuara në emër dhe me leje të Shoqatës.

6.8 Ruajtje fshehtësie të bisedëshkrimeve, procesverbaleve të mbledhjeve. Të dhënat dhe shënimet të mos shpalosen botërisht përveç anëtarëve të Shoqatës.

6.9 Ushtruesit e detyrave (nëpunësit):

Këshilli zbatues, në emër të Shoqatës, mund të punësojë njerëz të aftësuar (ndihmë profesionale si p.sh. jurist ose kontabilist) për jetësimin dhe zbatimin e detyrave të ngutshme dhe të pashmangshme (urgjente dhe paevitueshme). Kushtet rreth punësimit do të caktohen nga Këshilli dhe pala pranuese e detyrës.

Neni 7: Këshilli i llogaridhënies

Komisioni kontrollues i llogarisë përfundimtare

7.1 Përgjegjësitë:

Këshilli i llogaridhënies është përgjegjës për shqyrtim dhe mbikqyrjen e dëftesave financiare të Shoqatës; i përbërë prëj kryesuesit dhe dy bashkëanëtarëve, që të gjithë të zgjedhur nga Kuvendi i përgjithshëm, në mbledhjen zgjedhore.

7.2 Zgjedhjet:

Këshilli i llogaridhënies zgjidhet nga Kuvendi i përgjithshëm, me mandat të njëjtë si të Këshillit zbatues.

7.3 Detyrat e anëtarëve të këshillit të llogaridhënis:

a) t’i shqyrtojë dhe mbikqyrë dëftesat financiare dhe inventarin e Shoqatës si dhe të njoftojë (raportojë) në mbledhjen e Kuvendit të përgjithshëm.

b) Nëse shfaqet nevoja për mbikqyrje të ngutshme (kontrollin urgjent) të llogarive dhe dëftesave financiare, mund te bëhet jashta periudhës mes mbledhjeve të (rregullta të) Kuvendit të përgjithshëm.

c) Nëse zbulon humbje e deficit, ta paralajmërojë kryesinë.

ç) nëse heton lëshime, gabime dhe humbje që rrezikojnë mirëqënien e Shoqatës, me shkrim duhet ta lajmërojë Këshillin zbatues dhe; nëse ky këshill nuk ndërmerr masa të duhura, atëherë Këshilli i llogaridhënies ka të drejtë të kërkojë nga Këshilli zbatues që të njoftohen të gjithë anëtarët e Shoqatës ose ta lajmërojë këshillin e nderit, pastaj të thirret mbledhje brenda tridhjetë (30) ditëve që nga dita e paralajmërimit.

d) në rast keqpërdorimi (a keqsjelljeje) do të zbatohen pikat e nenit 9.

Neni 8: Këshilli i nderit (Këshilli disiplinor)

8.1 Domethënia dhe definicioni:

Këshilli i nderit është trup që vështron, mat dhe udhëzon (rekomandon) Këshillin zbatues rreth gëzimit të drejtës dhe ankesave si dhe largimin apo pushimin nga anëtarësia. Veç kësaj,mund të veprojë si ndërmjetës midis palëve (në marrëveshje).

8.2 Përbërja:

Këshilli i nderit përbëhet nga kryesuesi dhe dy bashkëanëtarë të zgjedhur nga kuvendi i përgjithshëm. Dëshirimisht ky numër mund të rritet por gjithmonë të jetë tek, për shkak të votimit.

8.3 Zgjedhjët:

Zgjedhjet janë të njëjta si për Këshillin e llogaridhënies, sipas nenit 7.2.

8.4 Ecuria e punës (procedura):

8.4.1 Shqyrtimi i ankesave:

a) nëse del ndonjë ankesë përkitazi me nein 3.2.3 dhe 3.3.5, ajo do të matet dhe do të sillet vendim në sajë të ecurisë së këtij neni.

b) Të mirren parasysh dëshmitë dhe faktet që i përkasin ankuesit si dhe palëve pjesëmarrëse. Anëtarit do t’i jepet e drejtë fjale.

c) Rasti të ndriçohet në përputhje me kërkesat e rregullores. Për vendimin e marrë, do të njftohen edhe Këshilli zbatues edhe palët pjesëmarrëse.

8.4.2 Këshilli i nderit do t’i përcaktojë vetë ecuritë e punës ndërsa në ndërkohë do të këshillohet edhe me këshillin zbatues.

Neni 9: Largimi i anëtarëve të këshillit zbatues, ose Këshilli të llogaridhënies, këshillit të nderit ose nëpunësve (ushtruesve)

9.1 Ankesat kundër anëtarëve të të gjitha këshillave ose kundër nëpunësi dhe vendimet për për largimin apo pushimin e tyre, duhet të parashtrohen në mbledhjen e rregullt ose atë të jashtëzakonshme të kuvendit të përgjithshëm. Në këtë mbledhje, Kuvendi mund të mos ndërmarrë asgjë drejtpërdrejtë, por që të zgjidhet lënda e paraqitur, Kuvendi lypset të caktojë të ashtuquajtur Këshill të posaçëm (Këshill special). Ky këshill i posaçëm do të përbëhet prej anëtarëve të të gjitha këshillave që do të bëjnë hetime dhe më vonë do t’njoftojnë për përfundimin dhe vendimin.

9.2 Ankesa do të shqyrtohet, rasti do të hetohet dhe do të sillet vendim nga Këshilli i posaçëm në përkim me nenin 9.1. kuorumi për vendim që do të merret nga ana e Këshillit të posaçëm është nëntë (9) veta. I fajësuari (akuzuari) dhe ankuesi s’kanë të drejtë vote. Vendimi i plotëfuqishëm për largim do të pranohet vetëm me kuorum me fitim votash të shtatë (7) nga nëntë (9) anëtarë me të drejtë vote. Votimi bëhet vetëm i fshehtë.

Neni 10: Fuqizimi, shfuqizimi dhe përmirësimi i rregullores

Fuqizimi, shfuqizimi dhe përmirësimi i rregullores mund të bëhet vetëm në mbledhje të rregullt të Kuvendit të përgjithshëm, me fitim të tre të katërtave të votave të anëtarëve, në përgjithësi. Të mirret parasysh ecuria rreth përmirësimit (amendamenteve) të rregullores në bazë të pikave të nenit 5.2.1 (b).

Neni 11: Shpërndarja ose prishja e Shoqatës

Vendim për shpërndarje të Shoqatës mund të sillet vetëm në mbledhje jashtëzakonshme të Kuvendit të përgjithshëm. Për vendimin e këtij miratimi nevojiten votat e tre të katërtave të anëtarëve të Shoqatës. Po qe se vjen deri te prishja e Shoqatës, pasuria inventareske nxirret në shitje që të shlyhen detyrimet (lahen borxhet), ndërsa mbetja e vlefshme shndërrohet në mjetë monetare (financiare) deponuese ose investuese për një afat të pacaktuar ose edhe të caktuar sipas dëshirës së shumicës së prsnishme në mbledhjen e jashtëzakonshme; të njëjtat mjete më vonë mund të tërhiqen nga dy (ose tre) të nënshkruarit arkëtarë dhe kryetari por vetëm për qëllime të njëjta ose të ngjashme, në shërbim të Bashkësisë shqiptaro- kanadez (komunitetit); nënkuptohet, nëse ligji i punës së bashkuar lejon një gjë të tillë.

Neni 12: Shpjegimi (interpretimi)

Fjalët në njëjës dhe ato të gjinisë mashkullore, njëkohësisht shprehin kuptim edhe për numrin shumës si dhe gjininë femërore të emrave ose anasjelltas, po qe se nuk shpjegohen ndryshe.

Neni 13: Rregullat dhe rregullsitë

Anëtarët e Këshillit zbatues mund të hartojnë rregulla që do t’jenë në përputhje me vetë rregulloren; të cilat do të mund të vihen në fuqi vetëm në mbledhjen e rregullt të Kuvendit të përgjithshëm.

Neni 14: Kushtet e nenit të përkohshëm

Neni i përkohshëm 1: para përfundimit të ecurive regjistruese, këshilli zbatues mban të drejtë të bëjë përmirësime dhe korrigjime të vogla të lindura nga rrethanat, si p.sh. obligimi ndaj autoriteteve.

Neni i përkohshëm 2: mbetet i zbrazët (i lirë).

Neni i përkohshëm 3: me të përvetësuar këtë rregullore, anëtarët që banojnë jashta Ontarios dhe Kanadasë, drejtpërdrejtë quhen anëtarë nderi.

Neni i përkohshëm 4: kur të bëhet regjistrimi i Shoqatës (dhe udhëheqësve) pranë autoriteteve shtetërore, periudha e fundit do të shlyhet dhe periudha vijuese do të futet në nenin 2.5, mbajtur (si pronë) në emër të Shoqatës së bashkësisë shqiptaro – kanadeze me seli Toronto.

Neni 15: Porosia e rregullores (mesazhi)

Duke marrë parasysh superstrukturën, pikëpamjet dhe botëkupimet e një populli; rregullorja e Shoqatës shqiptaro – kanadeze, e bashk. në Kanada, rëndësi të veçantë i përkushton rrugës për bashkim dhe bashkëpunim. Nënkuptohet se asgjë nuk kënaq shumicën dhe gjatë kohë, prandaj, parë nga këndi demokratik, nga çdo pjesëtar i kësaj bashkësie kërkohet sinqeritet dhe tolerancë. Kjo rrugë drejton kah ngritja dhe përparimi i popullit në përgjithësi dhe çdo individi në veçanti. Shkurtë e shqip, mënjanë privatizmat dhe t’i lirohet rruga “Bashkimi para së gjithash” (shqiptarizmi para së gjithash).

Neni i nderit:

Në vendshoqatë do të mbahet flamuri kanadz krahas flamurit tonë kombëtar si dhe fotografia ose piktura e Skënderbeut, ose Ismail qemalit dhe Isa Boletnit. Me pëlqim të anëtarëve mund të vihen edhe fotografi tjera.

Shënim: kjo rregullore nuk është këshillë ligjore por vetëm udhëzim.

Toronto, Kanada

1 Nëntor 1990