www.albaniantime.ca

Rinia.ca

  Faqet më të mira të rinisë shqipëtare në Kanada 

INTELIGJENCË E PËRDORUR ME INTELIGJENCË.

- Arritjet e të riut 17-vjeçar Tahir Veliu nga Drenasi.

Tahir Veliu është një i ri i ardhur nga Kosova në vitin 1999. Sot banon në Grande Prairie (AB) dhe studion në akademinë ushtarake. Kjo është vetëm një pikënisje e planeve të këtij 17-vjeçari për të ardhmen e tij e cila sigurisht premton të jetë e mrekullueshme. Tahiri nuk është vetëm një nxënës i mirë, zgjuarsia e të cilit është çmuar nga Republika e Kosovës, Ministria e Arsimit, Shkencës dhe Kulturës, si dhe nga Këshilli i Arsimit të Komunës së Drenasit; ai nuk është i apasionuar vetëm pas kompiuterit, muzikës, gjuhës e letërsisë shqipëtare, historisë së lashtë të popullit tonë, por edhe pas sportit.Aritjet e tij te fundit flasin për një vullnet të hekurt dhe dëshirën e tij për të treguar se ai mund të arrijë gjithçka. Inteligjenca në Tahirin është gërshetuar me pasionin për gjërat e bukura, dëshirën për të fituar dhe ndjenjën e tij kombëtare për t'i treguar botës se edhe ne shqipëtarët mund të arrijmë shumë lart.

"Në Prill, luajtëm në ligen "WORLD CUP SOCCER" në Grande Prairie, ku edhe morëm vendin e dytë. Ky ishte suksesi ynë i parë në skenën futbollistike. Arsyeja pse ne zgjodhëm emrin ALBANIA është që t'a bëjmë Shqipërinë të njoftur në opinionin kanadez," na shkruan Tahiri, kapiten i kësaj skuadre. "Të Hënën, me 7 Maj 2001, kishim një ndeshje miqësore me një ekip të rinjsh, kanadez. Ishte një knaqësi e madhe kur dëgjonim tërë opinionin kandez të brohriste për Shqipërinë. Unë, tani jam i njoftur si shqipëtar nga të gjithë, të gjithë me thërrasin ALBANIA."

Futbolli nuk është i vetmi sport që ka tërhequr të riun kosovar. Ai ka fituar vëndin e dytë në garat e vrapimit në 1500m dhe vendin e trëtë në ato të 400m. "Me vjen mirë që edhe një herë flamuri shqipëtar u nderua nga të gjithë shikuesit. E veçanta e këtij vrapimi ishte se garën e përfundova duke puthur flamurin shqipëtar," shkruan ai me një ndjenjë të thellë patriotizmi. Një rini 17-vjeçare që sapo ka filluar të ngjisë shkallët e jetës; shkallë të cilat janë ndërtuar me një material të fortë: inteligjencë e vullnet, dëshirë për një të ardhme të ndritshme dhe dashurinë për popullin e vëndin e tij të lashtë! "Dëshira dhe ëndrra ime është çlirimi dhe Bashkimi i Trojeve Shqiptare" e mbyll biseden me ne Tahiri.

Albanian Time I uron Tahirit suksese në rrugën e tij, realizimin e projekteve për të ardhmen dhe ëndërrave të tij rinore.

Ëndërroj që një ditë të kem kompaninë time dhe të konkuroj me kompanitë e mëdha të informatikës…

Më 1994 Ardian Cela emigron në Angli dhe shumë shpejt kupton rëndësinë e kompiuterit në jetën e përditshme. Që në kontaktin e parë me kompiuterin kuptoi se jeta e tij do të ishte e lidhur pazgjidhshmërisht me të.  Pa humbur kohë, filloi studimet në një nga kolegjet më me emër në Londër ( Hendon College) ku u dallua, që në muajt e parë, si nxënësi më i mirë dhe në të njëjtën kohë mbaroi edhe disa specializime të ndryshme, gjithashtu për fushën e informatikës.Më pas fillon studimet universitare në universitetin “Middlesex University” në Londër, dega Network (qarqeve).Para një viti, Ardiani vendosi të emigrojë në Kanada. Talenti dhe mësimet e marra në Angli bënë që ai të punësohej që ditët e para të ardhjes së tij këtu.Në fillim, nisi punën në kompaninë “Sureway Computers” si teknik,ndërsa tani ai punon për kompaninë “Pristine Group”    si ‘Web designer & management computer system’.

Ardian Cela

Puna me cilësi të lartë e Ardianit ka rënë edhe në sy personaliteteve e kompanive të ndryshme që e kanë ftuar atë për të vënë në dispozicion të tyre talentin e tij. I tillë është edhe rasti kur deputeti i Partisë Liberale Kanadeze, z.Tony Ianno, e zgjodhi atë për të krijuar web site-in (www.tonyianno.net) e fushatës elektorale të zgjedhjeve Federale.
Po përmendim disa nga punët më kryesore të tij, si: www.albanian.ca;
www.albaniantime.ca, www.fjalori.com; e shumë, e shumë web-e të tjera për nënshtetas jo shqipëtarë.
Megjithëse i kushton shumë vëmendje e kohë kompiuterit, ai gjen kohë edhe për problemet e komunitetit shqipëtar, këtu në Toronto. Ai merr pjesë në mbledhjet e organizuara nga kryesia e këtij komuniteti. Në mbledhjen e fundit shprehu dëshirën që, me interesimin e komunitetit, ai të japë edhe leksione falas për bashkëatdhetarët e tij.
Adriani thotë shpesh, “Nuk mund të pretendosh kurrë se di gjithçka rreth kompiuterit, sepse shkenca e kompiuterit përparon e zhvillohet çdo ditë; çdo ditë lind diçka e re që duhet mësuar.”
Ai nuk mërzitet kurrë kur bashkëatdhetarët e thërrasin për të rregulluar diçka që u është prishur në kompiuterin e tyre. Megjithëse për atë janë gjëra të vogla, ai me shumë durim ua shpjegon atyre se ç‘ka ndodhur dhe përfiton nga rasti edhe t’u mësojë diçka nga ato që ai di.
Gëzohet pa masë kur dëgjon, ose sheh në internet, që ndonjë shqipëtar ka arritur suksese në kompiuteristikë, “…sepse,” thotë Ardiani, “e ardhmja i takon kompiuterit dhe ne shqipëtarët nuk duhet të jemi prapa nga të tjerët në këtë fushë.”
“…Sa herë shikoj në internet ndonjë punë të mirë u nis menjëherë krijuesve të tyre letër  urimi dhe i inkurajoj ata për punë më të mira.”
“…Dëshiroj që të studioj akoma më shumë dhe ëndërroj që, një ditë, të kem kompaninë time e të mund të konkuroj me kompani të mëdha të informatikës, në mënyrë që edhe unë si shqipëtar të mund të kontriboj në këtë fushë të shkencës që po e ndryshon dita-ditës mënyrën e të jetuarit në planetin e quajtur TOKË.”

Nga Fatmir  Doga

Intervistë me valltaren 28 vjeçare Aida Toshkëzi.

-Aida, ç‘mund të na thoni për vehten tuaj, shkollën, eksperiencën si valltare si dhe dëshirat tuaja? -Kam mbaruar Liceun Artistik, degën e Baletit. Kam punuar në Teatrin e Operas dhe Baletit në vitet ‘90-’91 si balerinë klaiske dhe në vitet ‘97-’99 në Ansamblin e Këngëve dhe Valleve Popullore në Tiranë. Gjithashtu kam punuar dhe në Ansamblin e Bashkisë së Tiranës ‘Tirana 2000’ për mëse 6 vjet.-Ç’mund të na tregoni rreth turneve që keni bërë jashtë atdheut dhe mikëpritjes së bashkëatdhetarëve në vëndet ku keni qenë?-Kemi bërë turne të shumtë në të gjithë Evropën dhe gjithashtu edhe në Kanada.

Aida Toshkëzi

Kemi patur një sukses të jashtëzakonshëm dhe një mikpritje madhështore kudo që kemi shkuar dhe veçanërisht në Kosovë. Kudo që kemi shkuar kemi parë dëshirën e madhe të bashkëatdhetarëve tanë për të ruajtur dhe trashëguar tek fëmijët e tyre traditat e bukura të folklorit shqipëtar.

  -A do të kishit dëshirë që edhe fëmijët këtu, në Kanada, të mësonin vallet tona të bukura popullore shqipëtare?

-Një ndër dëshirat dhe pasionet e mia është që ky brez fëmijësh që po rriten këtu të ruajnë traditat dhe kulturën shqipëtare. Së bashku me partnerin tim, Irdi Shaqiri, një valltar shumë I talentuar jemi të disponuar dhe me kënaqësi do të pranonim të merrnim pjesë në gëzimet dhe festat tuaja familjare (mund të paraqitemi edhe me kostumet tona popullore). Do të bëjmë të pamundurën që t’a ndjeni shpirtin tuaj të fluturojë, qoftë edhe për disa çaste, në vendlindjen tonë të largët!

  -Falenderojmë Aidën për kohën që na kushtoi duke I uruar asaj suksese në jetë dhe realizimin e ëndërrave. Ftojmë kështu të gjithë të interesuarit që të telefonojnë në numrat e mëposhtëshënuar:

 A. Toshkëzi – 416-530 4860 të Shtunë dhe të Dielë prej orës 10pm deri 12pm.

  Intervistoi: Matilda DERVISHI