Sukses i pa diskutueshem i filmit "In Between"

Rifat Dajti - Toronto, Canada

Janë dy botë, njëra që ëndërrojmë dhe tjetra ku jetojmë. Në mes këtyre dy botëve zhvillohen ngjarjet e filmit të ri shqiptaro-kanadez, titulluar IN BETWEEN- (Në mes). Filmi u shfaq si premierë përpara një publiku të zgjedhur në Cineplex, një prej kinemave më prestigjioze të North-America-s, më 3 tetor 2007. Por për herë të parë, i ftuar nga Komisioni i Festivalit të Filmit në Venecia, jashtë konkurrimit ky film u shfaq në datat 4,6,7 shtator 2007. Kjo ftesë përbën në vetvete një vlerësim jo të paktë për ekipin realizues të tij. Filmi me regji të Fatmir Dogës, u mirëprit nga shumë pjesëmarrës të huaj në Venecia, një pjesë e të cilëve gjetën vetveten, të tjerë e vlerësuan nga se problemet e emigracionit janë të ditës edhe në vendet e tyre. Është kjo arsye që filmi "In Between" u ftua për pjesëmarrje në festivalet e tre kontinenteve Afrikës, Azisë dhe Amerikës, nga përfaqësuesit e filmit në Argjentinë, Zambia dhe Hong-Kongu. Por realizuesit e tij premtojnë se së shpejti filmi do të marrë rrugën drejt premierave në SHBA e Europë, e sigurisht Tirana do të jetë stacioni më i preferuar, si për aktorët dhe për grupin realizues në përgjithësi.
Ngjarjet e filmit
Filmi "In Between" është krijuar nga një grup kryesisht i përbërë nga kineastë shqiptaro-kanadezë, në bashkëpunim me aktorë të njohur kanadezë me përvojë të gjatë dhe e disa të rinjve që kanë filluar të afirmohen. Inxhinieri Arben Kodra, (interpretuar nga aktori Tony Pearce, profesor i dramaturgjisë në një nga shkollat më të mira të Torontos), me punën, aftësitë dhe zgjuarsinë e tij ka arritur të krijojë në vendin e tij, në Shqipëri, një nivel të kënaqshëm jetese. Por një ditë vendos të emigrojë në një vend të zhvilluar jo vetëm ekonomikisht, por dhe profesional në fushën e ndërtimeve, dhe zgjedh Kanadanë, i sigurt se atje do ta mirëpresin për aftësitë dhe përvojën që ka fituar në vendin e tij. Për këtë shet vilën e bukur dhe të gjithë komfortin e jetës që ka krijuar ndër vite, dhe bashkë me gruan e dy fëmijët tashmë të rritur, studentë në shkolla të larta, vendoset në Toronto. Por jo gjithçka ecën si në vaj, në realizimin e ëndrrave të tij ndesh në pengesa, sepse ai nuk i ka menduar dhe parashikuar si duhet vështirësitë që do t'i dalin përpara. Arben Kodra bëri një provë të llojit piramidë, shkriu gjithçka kishte ndërtuar e akumuluar gjatë viteve më të frytshme të jetës, për të realizuar një ëndërr që do t'i sillte disa herë më shumë fitime, pa mbajtur asnjë rezervë me të cilin mund të përballonte një dështim të mundshëm në vendin e ri ku emigroi.
Realizimi
Ngjarjet janë sinkronizuar bukur. Filmi të mban nën tension, të krijon emocione. Është një mësim i dyanshëm: për ata që marrin rrugën e emigrimit dhe për vendet pritëse të tyre. Loja e aktorëve është e besueshme, gjë që tregon për punën e mirë që ata kanë bërë. Tek heroi kryesor, Arben Kodra (Tony Pearce) shohim bindshëm entuziazmin e nxituar të cilin e paguhet me dështim. Tek Donika Kodra (Shoshana Friedman Brazeau), bashkëshorte e A.Kodrës, shohim gruan e matur e cila përpiqet t'i trajtojë gjërat më me realizëm, por që nuk ka forcë të bind burrin e saj, për të dalë nga gracka që i ka thurur jeta e modeluar në kokën e tij në një vend që ka të tjera rregulla e ligje. Aktori Timo Flloko na jep bindshëm biznesmenin shqiptar të suksesshëm, por që në vorbullën e jetës së familjes Kodra nuk ka ndikim të fuqishëm. Besa Kodra (Jane Milman) dhe Arturi, vëllai i saj (Artan Mehmeti) përpiqen të ndërtojnë jetën e tyre në vendin e ri perëndimor, por nuk shkojnë larg, madje ata bëhen shpejt pjesë e dështimit të gjithë familjes Kodra. Davidi (George Nickolas K.) është prototipi i njeriut negativ që shfrytëzon fatkeqësinë e të tjerëve për qëllimet e tija të mbrapshta. Në film janë edhe disa role të dyta, të ashtuquajtur të vogla, ku interpretojnë aktorë të mëdhenj, si Profesori (Wyane Robson), Mister Franku (Mario Varano), lypësi (Nick Pantazopoulos), të cilët sjellin në film nota humori e mençurie. Regjisori i filmit, Fatmir Doga ka ditur të udhëheqë kolektivin e tij të aktorëve drejt një filmi të suksesshëm. Zef Luca, drejtori i fotografisë bashkë me kameramanin Gee Konc, kanë ditur të zgjedhin pamje shumë të bukura në Shqipëri, ashtu dhe në Kanada, të tipizojnë figurat e filmit deri në detaje të imta. Muzika e Limos Dizdarit i jep filmit bukurinë dëgjimore që në disa sekuenca na bën të besojmë se jemi duke dëgjuar muzikë klasike gërshetuar me lirika të bukura e brilante. Producentët Albert Xhaferi dhe Zef Luca duhen përgëzuar për iniciativën e guximshme që kanë marrë për t'i hyrë kësaj pune të madhe që të bënin një film dinjitoz me metrazh të gjatë, i cili të rrëmben me temën tij, temë e ditës dhe e pëlqyer, madje e lakmuar, në stadet e kohës sonë, ku ende njerëzit e sidomos të rinjtë i kanë vështrimet drejt vendeve pritëse të emigrantëve, përmes së cilës synojnë një jetë të re, një jetë më të mirë.

Me shume informacion www.inbetweenmovie.ca ose www.starwayfilm.com

skenografisë, Jambo projektorëve, efekteve speciale të ndriçimit, videos dhe audios nga më modernet në North Amerika .ultura, traditat dhe historia shqipëtare u demostruan me finesë nëpërmjet veshjeve, këngëve dhe elementeve të ndryshëm skenikë. Për herë të parë në historinë e shqipëtarëve në Kanada, një shfaqje e kësaj madhësie i mahniti të gjithë të pranishmit duke përcjellur kulturën, bukurinë dhe madhështinë e kombit shqipëtar.
Vajzat konkuruese ishin nga të gjitha trevat shqipëtare; Shqipëria, Kosova, Maqedonia dhe Çamëria.
Krenaria e shfaqjes - dy prezantuesit, Patricia Papastathi, nga Tirana dhe Xhemi Agaj, nga Prishtina, përcollën tek spektatorët dhe telespektatorët atmosferën festive të këtij spektakli, duke komunikuar me publikun rrjedhshëm në të dyja gjuhët, Shqip dhe Anglisht.
Artistët  e ftuar përshëndetën spektaklin me këngë dhe interpretime të ndryshme që  e çuan spektatorin në një “Roller Coaster” emocionesh.
Shaqja u mbyll me Anisa Xhakollin - fituese e Kurorës së bukurisë Shqipëtare në Kanada, Elisabeta Mahmudi - shoqëruese e parë e Miss-it, Shqipe Ademi - shoqëruese e dytë.

Tituj Nderi:

Anisa Xhakolli - Miss Elegance,

Vlora Rustemi - Miss Congeniality,

Shqipe Ademi - Miss Photogenic.

Urime:

- 21 vajzave konkuruese,

- Artistëve pjesëmarrës,

- Grupit të punës që bëri të mundur realizimin e spektaklit dhe

- Sponsorizuesve dhe Suportuesve të shfaqjes.

Albert Xhaferri

Producent Miss Albania Canada

MISS ALBANIA CANADA

Toronto 6 Shkurt 2003

Ç'fare ofron spektakli Miss Albania Canada ?

1. Nje mbeshtetje finaciare e fuqishme qe mbulon te gjitha shpenzimet e spektaklit.  

2. Per pergatitjen artistike te spektaklit jane angazhuar te gjithe profesionistet shqipetare ne bashkepunim me disa kanadeze.
Do te ftohen nga vendlindja “super star”-e dhe ajo cfare do te shihet ate nate do te jete pa dyshim nje program i nje niveli te larte profesional.  

3. Per pergatitjen e vajzave (ne menyre qe ato te perfaqesohen denjesisht ne skene), jane ofruar profesioniste qe kane pergatitur miss-et kanadeze.

4. Ndricimi, audio dhe efektet e ndryshme speciale do te jene pa dyshim te fjales se fundit.

5. Te pranishem ne naten e spektaklit do te jene te ftuar personalitete te larta te qeverise kanadeze.
Gjithashtu, te ftuar do te jene artiste nga me te suksesshmit ne Kanada.
(Ajo qe eshte me e rendesishme per shume vajza pjesemarrese) do te jene te pranishem nje numer i madh i agjenteve te agjensive te ndryshme, qe punojne per kompani te medha te Hollywood –it, perfshire te gjitha fushat e artit si, kinematografise (Atlantis Alliances, etj) modes, reklamimit, etj.

 6. Filmimet dhe redaktimi, (pergatitja e DVD dhe VHS) i spektaklit do te  behen nga nje kompani e fuqishme e filmit kanadez. Ky spektakel do te transmetohet nga njeri nga televizionet e Shqiperise dhe nga televizioni i Kosoves.

Per miss -in do te kete  oferta  si: kontrate me nje agjenci te madhe qe punon per filmin Canadez e ate Hollywood -ian; pushime turistike, etj., etj. Cmime do te jepen edhe tre vajzave te tjera qe do te vleresohen nga juria.
Agjensite e ndryshme qe do te jene te pranishme ne mbremjen e spektaklit mund te zgjedhin edhe vajza te tjera qe nuk vleresohen si fituese nga juria, por qe do te jene te pershtatshme per tu hedhur ne boten e artit.

8. Juria do te perbehet nga persona te specializuar dhe me experience ne kete fushe, nga persona te profesioneve dhe moshave te ndryshme. Juria nuk do te behet publike deri ne natet e spektaklit.
 

9. Salla ku do te shfaqet ky spektakel eshte pa dyshim nje pike tjeter e rendesishme profesionale, salle net e cilen jane zhvilluar spektakle e aktivitete artistike, si Miss Canada .
Biletat do te shiten nga administrata e salles ne bashkepunim me organizatoret.
Ne kete konkurs bukurie e mencurie mund te marre pjese cilado vajze me origjine shqipetare dhe qe eshte banore e cilesdo province te Kanadase.  

Keto jane disa pika te vogla ne lidhje me punen e madhe qe po behet ne lidhje me konkursin e pare te Miss Albania Canada.  

Ne ju sigurojme qe ky spektakel do te mbetet ne kujtesen tuaj si spektakli me i bukur i vene ne skene nga artistet shqipetare, deri me sot.

 Nga organizatoret MAC

INTELIGJENCË E PËRDORUR ME INTELIGJENCË.

- Arritjet e të riut 17-vjeçar Tahir Veliu nga Drenasi.

Tahir Veliu është një i ri i ardhur nga Kosova në vitin 1999. Sot banon në Grande Prairie (AB) dhe studion në akademinë ushtarake. Kjo është vetëm një pikënisje e planeve të këtij 17-vjeçari për të ardhmen e tij e cila sigurisht premton të jetë e mrekullueshme. Tahiri nuk është vetëm një nxënës i mirë, zgjuarsia e të cilit është çmuar nga Republika e Kosovës, Ministria e Arsimit, Shkencës dhe Kulturës, si dhe nga Këshilli i Arsimit të Komunës së Drenasit; ai nuk është i apasionuar vetëm pas kompiuterit, muzikës, gjuhës e letërsisë shqipëtare, historisë së lashtë të popullit tonë, por edhe pas sportit.Aritjet e tij te fundit flasin për një vullnet të hekurt dhe dëshirën e tij për të treguar se ai mund të arrijë gjithçka. Inteligjenca në Tahirin është gërshetuar me pasionin për gjërat e bukura, dëshirën për të fituar dhe ndjenjën e tij kombëtare për t'i treguar botës se edhe ne shqipëtarët mund të arrijmë shumë lart.

"Në Prill, luajtëm në ligen "WORLD CUP SOCCER" në Grande Prairie, ku edhe morëm vendin e dytë. Ky ishte suksesi ynë i parë në skenën futbollistike. Arsyeja pse ne zgjodhëm emrin ALBANIA është që t'a bëjmë Shqipërinë të njoftur në opinionin kanadez," na shkruan Tahiri, kapiten i kësaj skuadre. "Të Hënën, me 7 Maj 2001, kishim një ndeshje miqësore me një ekip të rinjsh, kanadez. Ishte një knaqësi e madhe kur dëgjonim tërë opinionin kandez të brohriste për Shqipërinë. Unë, tani jam i njoftur si shqipëtar nga të gjithë, të gjithë me thërrasin ALBANIA."

Futbolli nuk është i vetmi sport që ka tërhequr të riun kosovar. Ai ka fituar vëndin e dytë në garat e vrapimit në 1500m dhe vendin e trëtë në ato të 400m. "Me vjen mirë që edhe një herë flamuri shqipëtar u nderua nga të gjithë shikuesit. E veçanta e këtij vrapimi ishte se garën e përfundova duke puthur flamurin shqipëtar," shkruan ai me një ndjenjë të thellë patriotizmi. Një rini 17-vjeçare që sapo ka filluar të ngjisë shkallët e jetës; shkallë të cilat janë ndërtuar me një material të fortë: inteligjencë e vullnet, dëshirë për një të ardhme të ndritshme dhe dashurinë për popullin e vëndin e tij të lashtë! "Dëshira dhe ëndrra ime është çlirimi dhe Bashkimi i Trojeve Shqiptare" e mbyll biseden me ne Tahiri.

Albanian Time I uron Tahirit suksese në rrugën e tij, realizimin e projekteve për të ardhmen dhe ëndërrave të tij rinore.

MESHA E NATËS SË PASHKËVE - NJË MESAZH PËR TË GJITHË SHQIPËTARËT
- Meshë e organizuar në kishën katolike kroate të Torontos, në gjuhën shqipe, nga Prifti Katolik Shqipëtar Ndue Gjergji.

	Mesha e mbajtur me rastin e natës së Pashkëve, nga prifti katolik Ndue Gjergji, banues në Detroid, u hap me përmbledhjen e shkurtër të historisë së kombit tonë. "Kohët ndryshuan, sistemet gjithashtu, por feja i mbijetoi kohërave. Shumë shërbyes të kishave janë vrarë e masakruar nën sistemin komunist, por feja i rezistoi shfarosjes. Ajo fitoi mbi të gjitha!" tha prifti katolik. Ai kujtoi gjithashtu rrugën 2000 -vjeçare të kristianizmit për të arritur në ditët tona, në lirinë e besimit dhe lutjes. "Besimi te Zoti është gjithashtu një mënyrë për të na mbajtur të lidhur me njëri - tjetrin," tha Prifti Ndue Gjergji. "Le të jetë kisha vëndi i lutjeve tona dhe i takimeve e njohjeve midis shqipëtarëve. Le të jetë rruga e Zotit një rrugë për të na bërë më të bashkuar e të fortë! Mërgimi është i vështirë për të gjithë, sidomos për ata që i kanë të afërmit larg. Prandaj dhe duhet t'i qëndrojmë njëri- tjetrit pranë e të gatshëm për ndihmë."
Ndue Gjergji

Mesha vazhdoi me ceremonitë e rastit. Në mbarim të meshës së Pashkëve Prifti katolik përshëndeti dhe falenderoi për pjesëmarrjen të pranishmit, midis të cilëve edhe pjesëmarrës të besimeve jo katolike. Në mënyrë të veçantë, ai vlerësoi e përshëndeti mikëpritjen e Priftit të Kishës Kroate në të cilën u zhvillua mesha e Pashkëve në gjuhën shqipe si dhe disa nga bashkëatdhetarët që kontribuan në organizimin e meshës.
Mesha e organizuar për festën e Pashkëve ishte gjithashtu një mesazh i fortë dashurie. "…Rruga për te Zoti është vetëm nëpërmjet dashurisë," tha Prifti Ndue Gjergji, "prandaj dhe duhet t'a doni e respektoni njëri-tjetrin pamvarësisht se ciles fe i përkasim. Ne jemi shqipëtarë. dhe duhet t'u tregojmë botës se për ne feja shikohet nga këndvështrim krejt tjetër."

Mbylljen e meshës e përshëndeti gjithashtu edhe "zoti i shtëpisë" siç e quajti atë prifti katolik shqipëtar, prifti Kroat. Ai tregoi pak rreth historisë së kishës kroate dhe "përse?"-së së ndërtimit të kishës pa dritare. "Më 1962, nga dritaret e kishës kanë hedhur zjarr dhe kisha u dogj. Prej asaj dite, kisha katolike kroate në Toronto u ndërtua pa dritare, një kishë- kështjellë. …Këtë vit kisha Kroate feston 50 -vjetorin e themelimit të saj." Ai gjithashtu uroi të gjithë shqipëtarët e bësimit katolik që së shpejti të kenë kishën e tyre. "…dhe jam i bindur se së shpejti edhe ju do të keni kishën tuaj ku të mund t'i luteni Zotit," përfundoi ai. Ne fund të pranishmit i përshëndeti edhe Urata Ortodoks Shqipëtar Nikolla Kavaja. Shumë të pranishëm qëndruan deri vonë nën shoqërinë e priftit shqipëtar nga Detroiti ku u diskutua edhe për mesha të tjera dhe mënyrën se si mund të kenë edhe Shqipëtarët e Torontos Kishën e tyre Katolike. Ndue Gjergji u largua nga Toronto ku, në dy ditë qëndrimi, në komunitetin Shqipëtar të Torontos, u takua e shkëmbeu biseda me shumë familje Shqipëtare.

Dasëm në mes të Torontos, si të ishim në Kosovë

- Një moment nga gëzimi i familjes Delija.

Të dielën, me 4 Mars, në komunitetin shqipëtar të Torontos kishte festë. U gëzuan shumë bashkëatdhetarë që patën rastin të merrnin pjesë në këtë ceremoni të veçantë. Por, mbi të gjithë, ata që iu gëzuan më shumë kësaj dite ishin pjesëtarët e familjes Delija, nga Drenica e Kosovës. Si çdo prind edhe ata kishin ëndërruar që t'i rrisnin fëmijët e një ditë t'i martonin dhe t'u mbushej shtëpia me nipër e mbesa.Vitet kaluan. Djali i vetëm i Hetem e Fatime Deliu, Alviri dhe vajza e Hysen Plakaj, Mitie Plakaj vendosën që t'a kurorëzonin dashurinë e tyre me martesë - premtim i një të ardhme të bukur me trashëgimtarë.Gëzim e lumturi në zemrat e dy të rinjve; realizim i një ëndërre shumë vjeçare e prindërve të tyre.

Alvir dhe Mitie Deliu

Hareja dhe gëzimi mbushën zemrat e të gjithë të pranishmëve. Muzika shqipëtare, vallet dhe këngët kombëtare bënë që kjo dasmë të ndjehej vërtetë "një dasëm kosovare" në mes të Torontos. Në mes të një atmosfere të tillë festive nuk munguan fotografitë - një kujtim i bukur nga një ditë e paharrueshme për këtë familje të re.Ishte një ditë dasme, një ditë e rëndësishme që përtej gëzimit e haresë, këngëve e valleve, zemrave të mbushura mbante mbi vete pretimin e madh për një të ardhme që sapo nisi të hedhë hapat e saj: '…me ty, në të mirë e në të keq, deri sa vdekja të na ndajë…'!

Gazeta Albanian Time i uron kësaj familje të re një jetë të lumtur, me trashëgimtarë e me ditë vetëm të bardha!

Filloi kursi i parë i komjuterit për fëmijët shqipëtarë në Toronto

Para disa javësh, Ardian Cela, mori inisiativen qe te hapë një kurs 6 Javor, falas, për fëmijet shqipëtarë me qëllim që të mësojnë të përdorin kompiuterin dhe gjithça që ka të bëjë më të. Ne na tërhoqi vëmendjen kjo inisiativë dhe u interesuam të mësojmë dicka më shumë rreth qëllimit të saj. "Qëllimi i hapjes së këtij kursi falas për fëmijët shqipëtarë është që të mësojnë dicka më shumë rreth kompiuterit.Për këtë qëllim përgatita edhe një program, të cilin e ndertova duke patur parasysh se çfarë u intereson atyre ne kete moshë dhe çfarë u nevojitet me shume që të dinë rreth funksionimit dhe përdorimit të kompiuterit.

The desktop computer Computer history Computer types Input devices Output devices Introduction & history of CPU The central processing unit (CPU) The keyboard Mouses and trackballs Monitors Printers Introducing memory RAM and types Startup History of Operating systems & types The user interface Application programs Multitasking Storage capacity Storage devices Troubleshooting Switching on and off Looking after your equipment Health and safety issues Introducing networks LANs and WANs Protecting your data Internet security Preventing data loss Computer viruses Anti-virus software

How computer works (Si punon kompjuteri)
Understanding Your Home Computer (Ta njohësh kompjuterin në shtëpi)
Computer Programming Overview (Programimi i kompjuterit në përgjithësi)
Setup & Build a computer (Instalimi dhe krijimi i kompjuterit)
Partion Hard Drive using fdisk
Format hard drive
Install windows
Install hardware
Install programs

Windows
The desktop, taskbar and start menu
file management
cut, copy, paste
move, delete, search
wallpaper, screensavers, shortcuts
installing software
printer setup
Formatting a disk
Control Panel

Internet An introduction to the idea of the Internet How the Internet works The Net's components e-mail the World Wide Web telnet newsgroups Internet Chat ftp Finding information on the Net Publishing on the Web downloading shopping educational applications the future Microsoft Word Create new document Saving a document Moving and copying text Creating a table Headers and footers Advanced character Creating and assigning macros Using graphics

"Mësimi zhvillohet të Dielave. Kursi zhvillohet në gjuhën angleze sipas kërkesës së fëmijëve dhe kjo," tregon Ardiani, "tregoi edhe interesimin e madh që kishin fëmijët për të ditur gjithça rreth kompiuterit."
"Jam shumë i kënaqur për sa kanë mësuar fëmijët në një kohë të shkurtër. Në të ardhmen mendoj se këta fëmijë të zgjuar kanë për të arritur në një nivel të lartë në fushën e kompiuterit.
Do t'i rekomandoja komunitetit Shqipëtaro-Kanadez që të organizonte një kurs të tillë, jo vetëm për fëmijët por edhe për të rriturit shqipëtar.

Albanian Time

Mbledhje urgjente e Komunitetit Shqipëtaro-Kanadez.Toronto
  25 mars 2001
 
Me datën 25 Mars u mbajt nje tubim mbarë shqipëtar, organizuar nga Kryesia e Komunitetiit Shqipëtaro – Kandez, mbi situaten në Maqedoni.Të gjithë jemi të informuar rreth ngjarjeve te ditëve të fundit. Mitingun e hapi z.Halit Hoxha, Kryetari i këtij komuniteti. Detyra jonë, – vazhdoi ai, - është që të ndihmojmë vëllezërit shqipëtarë që po kalojnë një situatë të jashtëzakonshme me ushqime, ilaçe dhe strehim. Gra dhe fëmijë po ngelen rrugëve. Unë propozoj që nga kjo mbledhje të krijohet një shtab emergjensie, (ashtu si në rastin per Shqipërinë dhe Kosovën) që do të shërbejë për të grumbulluar ndihmat e nevojshme në të holla si dhe të vendosë se ku dhe si do të dërgohen këto ndihma.Një bashkëatdhetar u ngrit dhe propozoi që komuniteti ynë duhet urgjentisht të shkruajë një letër e t’ia dërgojë Qeverisë Kanadeze, Kombeve te Bashkuara (SHBA) dhe shumë vendeve të tjera ku t’i sqarojë se situata e shqipëtarëve në Maqedoni nuk është ashu siç ata janë të informuar; se momentalisht po mbahet një qëndrim i gabuar nga disa vënde perëndimore.Pastaj, u vazhdua me themelimin e këshillit të emergjencës.
Për të udhëhequr këtë mbledhje u propozuan Ferzi Beqiri dhe Isa Memeti.
Në Këshillin e emergjensisë u zgjodhën 20. Anëtarët e Këshillit, janë:
Shani Mula
Teki Arifi
Nexhat Zeneli
Tefik Abdullai
Iljaz Lokku
Shkëlqim Capa
Lulzim Kallaba
Sabri Isai
Sabit Xhemajli
Isa Memeti
Murat Hashani
Bashkim Breznica
Jeton Kaçi
Pas zgjedhjes së këshillit, shumë të pranishëm filluan të japin kontributin e tyre financiar për popullatën civile të prekur nga lufta në Maqedoni.
Mbledhjen e vazhduan anëtarët e këshillit të emergjrncës ku ndanë detyrat në mënyrë që fushata e grumbullimit të ndihmave të ishtë sa më e organizuar dhe e suksesshme.
Ata zgjodhën edhe kryesinë e cila do të merret me administrimin e të hollave.
U vendos që të Premteve dhe të Shtunave nga ora 4 pm – 9.00 pm salla e komunitetit të qëndojë e hapur. Disa nga anëtarët e këshillit të emergjencës do të presin bashkëatdhetarët që kanë dëshirë të shkojnë e të japin kontributin e tyre për popullin shqipëtarë të prekur nga lufta në Maqedoni.

Fatmir Doga

MBRËMJE E ORGANIZUAR ME RASTIN E 8 MARSIT

- Një mbrëmje e suksesshme që la mbresa.

Të shtunën e kaluar, më 17 Mars, u organizua mbrëmja artistike dhe argëtuese me rastin e festës së gruas, 8 Marsit.

“Jemi ende nën bardhësinë e dëborës, këtu në Kanada, por kjo mbrëmje sjell në zemrat tona ngrohtësinë e një ndjenje të madhe, të pashtershme, dashurinë për nënat dhe gratë tona. Jetojmë këtë mbrëmje me kujtimet e bukura që na çojnë në mimozat e para të Pranverës me të cilat u kemi thënë personit më të dashur “Gëzuar Festën!”

Sigurisht, sonte, këtu, mimozat mungojnë, por të pranishme do të jenë për ju vargje dashurie e malli si dhe këngë nga folklori ynë i pasur

Antigona Papastathi

. Mijëra poetë u kanë kushtuar vargjet e tyre madhështisë, zemërgjërësisë, ngrohtësisë e butësisë së nënës; mijëra këngë vazhdojnë të këndojnë këtë dashuri pafund. Nënë e grua - një djep që lëkund ngrohtësi; fole që strehon ëndërrat tona; krahë që shtrëngojnë butësisht në ditë të mira e të këqija; një dashuri që nuk të braktis kurrë!” kështu u hap kjo mbrëmje me zërin e Antigona Papastathit e cila e vazhdoi mbrëmjen me recitimin e një poezie kushtuar nënës.

Bekim Kajmolli

  Ishte një mbrëmje që la mbresa, kënaqësi dhe shpresën se organizime të tilla do të jenë më të shpeshta në komunitetin tonë.

Albanian Time

Të Shtunën, më 9 Shkurt, u mblodh Kryesia e re e komunitetit Shqipëtar në Toronto për të zgjedhur Kryetarin e ri dhe ndarjen e detyrave për anëtarët e kryesisë.

Në fillim të mbledhjes z.Sabit Xhemajli i kujtoi kryesisë se nuk duhet harruar që në mbledhjen e kaluar është vendosur të respektohet statuti, pikë për pikë. Si rrjedhim, kujtoi z.Xhemajli, në qoftë se ka anëtarë të tjerë që nuk kanë qenë anëtarë për dy vjet duhet që edhe ata të bëjnë të njëjtin veprim që bënë zotëtijtë javën e kaluar.  

Halit Hoxha (Kryetari)

-Aida, ç‘mund të na thoni për vehten tuaj, shkollën, eksperiencën si valltare si dhe dëshirat tuaja?

-Kam mbaruar Liceun Artistik, degën e Baletit. Kam punuar në Teatrin e Operas dhe Baletit në vitet ‘90-’91 si balerinë klaiske dhe në vitet ‘97-’99 në Ansamblin e Këngëve dhe Valleve Popullore në Tiranë. Gjithashtu kam punuar dhe në Ansamblin e Bashkisë së Tiranës ‘Tirana 2000’ për mëse 6 vjet.

Aida Toshkëzi 

Lart - Top