www.albaniantime.ca

Shënim:
Të nderuar lexues. Nëse dëshironi të merrni pjesë në konkursin 'humori i ditës' na shkruani me e- mail.
Shkruani dhe dërgoni me e-mail humorin e zgjedhur prej jush;
fituesin do t'a përcaktojnë vetë lexuesit nëpërmjet votave.
Jo më shumë se 15 rreshta dhe i dërgoni në  humor@albaniantime.ca

12 Prill 2001

Humor nga koha e Luftes se Drenices 1944-45

INCIDENT NE SHTABIN E SHABAN POLLUZHES 

Ne dimrin e ashper te vitit 1944/45 burrat e Drenices dhe te aneve te ndryshme te Kosoves kishin filluar kryengritjen e armatosur ne Drenice kunder bandave kriminele cetnike-komuniste. Kryengritja udhehiqej nga Shaban Polluzha-trim i urte dhe i qete dhe nga oficeri Mehmet Gradica- i ashper dhe gjaknxehte siq e thote literatura dhe njerezit qe i njihnin keta dy udheheqes te medhenj. Ngjarja per te cilen po flasim ndodhi pikerisht gjate kesaj lufte. Brigadat serbe neper Kosove kishin mobilizuar me dhune shume shqiptare dhe i dergonin ne Drenice per te luftuar. Nga ana tjeter shqiptaret ose e sabatonin luften ose grupe-grupe madje dhe me formacione komplete siq ishte rasti i batalionit te rinise, dezertonin dhe kalonin ne anen e kryengritesve. Ne mesin e te mobilizuarve ndodheshin edhe Shaban Hasani nga Llashtica dhe Ali Arifi nga Velekinca, katunde te Gjilanit qe te dy me nuk jane ne jete qe prej 20 vjetesh. Ata gjate luftimeve kishin humbur lidhjen me njesine e tyre dhe ashtu te armatosur dhe me kapuca te bardhe ne koke pa ditur se ku po shkonin- hyne drejt e ne Shtabin e Shaban Polluzhes duke menduar se kane hyre ne shtabin partizan. Per cudi rojet nuk i ndalin dhe ata me te hyre mbrenda e thone parullen e atehershme komuniste "vdekja fashistit" (vdekje fashismit), rojet vrapojne dhe i kapin, keta mbeten te shtangur. Ne ate moment Mehmet Gradica paska qelluar duke u rruar dhe kur i ndegjon keta duke e thene ate parulle thote, "fashisti ua q...nanen" dhe me brisk te rrojes qe e kishte ne dore thote " me leshoni t'i pres me kete brisk", krijohet rremuje e vertete, ndersa Shabanin dhe Aliun gati sa nuk i leshoi shpirti. Per fat te tyre nderhyu Shaban Polluzha qe doli nga dhoma tjeter, mbasi e ndegjoi zhurmen u bertiti rojeve dhe Mehmet Gradices dhe tha "ndaluni une dua ta shoh se si eshte puna" e qetesoi situaten dhe i pyeti keta qe ishin bere si limoni te verdhe, se kush jeni, nga jeni, ku shkoni cka kerkoni, etj dhe mbasi u bind Shaban Polluzha se n uk kan pasur ndonje qellim tjeter u kthye nga shoket dhe nga Mehmeti i cili me veshtirsi po qetesohej dhe tha "po i falim mbasi njeri prej tyre e paska emrin tim". 

QAMIL SALIHU

Një grua e moshuar shkon te doktorri. 4 Prill 2001

“Doktorr, kam një hall të madh. Kam shumë gazra. Por çuditërisht kur bëj p… nuk më shqetësojnë sepse janë pa zhurmë dhe nuk mbajnë erë. Që kur kam ardhur në zyrën tuaj, duhet të kem p… mbi 20 herë dhe ti as që e more vesh.”

Doktorri I jep një ilaç dhe I thotë, “ Përdore këtë dhe kthehu këtu javën që vjen.”

Gruaja e moshuar ashtu bën. Kthehet te doktorri dhe ankohet. “Nuk e di se ç’dreqin më dhe, por tani edhe pse p… e mia janë pa zhurmë vijnë erë të keqe.”

“Shumë mirë,” thotë doktorri. “Tani që shëruam sinusin tuaj le të punojmë me dëgjimin.”

Nga Loreta Doga

Golfi sport borgjez 3 Prill 2001

  ·Të jetosh në një fshat të vogël ka të mirën e vet; kur ti nuk di se ç’bën, dikush tjetër t’a thotë.

·Golfi ka lindur si lojë e të pasurve, por tani ka mbledhur plot lojtarë të varfër.

·Në kohët primitive kur tributë përdornin të gjuanin një top me shkop dhe bërtisnin quhej “Witchcraft” ndërsa tani quhet “Golf”.

· Nuk ka lojë si golfi; shkon jashtë me tre shoke, luan në 18 gropa dhe kthehesh në shtëpi me tre armiq.

Besim Duva Londer Angli

NË KAMP 26 Maj 2001

  Dy shokë shkojnë së bashku në kamp për pushim. Rregullojnë tendat dhe vonë bien për të fjetur. Disa orë më vonë një prej tyre zgjohet dhe i thërret shokut të tij.

“Hej! Hapi sytë dhe shiko lart në qiell. Çfarë sheh?”

Shoku i tij, i hutuar për disa sekonda, përgjigjet, “ Mijëra yje.”

“Çfarë tregon kjo?” pyet përsëri shoku.

“Nga ana astronomike më tregon se atje lart janë me mijëea Galaksi dhe miliona planetë. Nga ana astrologjike, Saturni ndodhet në shenjën e Luanit. Përsa i përket kohës duhet të jetë 3:15 pas mesnate. Nga ana fetare, është krejt e qartë se Zoti është i plotfuqishëm dhe ne jemi të vegjël e të papërfillshëm. Nga ana metereologjike, duket se nesër do të kemi një ditë të bukur. Po për ty, kjo çfarë tregon?”

“Idiot! Kjo tregon se na kanë vjedhur tendën.”

Dërguar nga: Mirela Sulo, Toronto,Canada

NË BURG APO NË PUNË !? Dt 25 Mars 2001

  1.Në burg  kalohet koha në një qeli 8x10; në punë në një kub 6x8.

 2.Në burg hahen tre vakte; në punë ke të drejtën e një pushumi dhe për drekën paguan vetë.

 3.Në burg të japin pushum për sjellje të mirë; në punë shpërbleheni me më shumë punë.

 4.Në burg roja hap e mbyll dyert për ju; në punë duhet të mbani me vehte një kartë sigurimi me të cilën të hapni e të mbyllni dyert vetë.

 5.Në burg mund të shohësh Tv dhe të luash lojra; për një gjë të tillë në punë të japin shkelmin.

 6.Në burg ke banjon personale; në punë duhet të përdorësh atë që përdorin të gjithë.

 7.Në burg lejojnë familjarët dhe shokët tuaj që t’ju bëjnë vizita; në punë nuk ju lënë as të flisni për ata.

 8.Në burg shpenzimet paguhen nga taksapaguesit, pa punuar aspak; në punë ju duhet të paguani për shpenzimet tuaja dhe nga pagesa ju mbahen taksa për të mbajtur të burgosurit.

      Hë mo! Kush tingëllon më mirë?

Përktheu: Loreta Doga

Gruaja dhe Burri. Dt.18 Mars 2001

Një grua e shoqëroi burrin e saj te zyra e doktorrit. Mbas vizitës, doktorri e thirri gruan në zyrë për të folur me atë vetëm për vetëm. “Burri juaj vuan një sëmundje shumë serioze,” tha ai. “Kjo sëmundje është e lidhur me stresin. Nëse ju nuk bëni atë që unë do t’ju këshilloj, burri juaj mund të vdesë,” vazhdoi ai. “Çdo mëngjes përgatitni diçka të mirë për të ngrënë. Tregojuni e qeshur dhe sigurohuni që ai të mos bëhet nervoz. Për drekë përgatitni ndonjë gjë me vlera ushqyese të mëdha. Për darkë përgatisni për atë ndonjë gjë të veçantë. Mos e ngrini zërin kut t’i flisni; mos diskutoni problemet tuaja personale në prani të tij; këto gjëra me siguri do të keqësojnë gjëndjen e tij shëndetësore. Mos harroni, ç’ka është më e rëndësishme, të bëni dashuri çdo natë të javës. Nëse ju do të bëni këtë për të paktën 10 muaj të vitit, mendoj se burri juaj do të shërohet plotësisht.”

Gjatë rrugës së kthimit për në shtëpi, burri e pyeti gruan, “Çfarë të tha doktorri?”

“Se ti do të vdesësh,” iu përgjigj ajo.

  Përktheu nga anglishtja L. Doga